Издаден метео аларм за делови од Македонија, еве какво време не очекува во наредните денови
Издаден метео аларм за врнежи од снег и ветер за Полошкиот и југо-западниот дел од Македонија.
Во Македонија денеска утринските часови облачно време со врнежи од дожд, над 800 метри со врнежи од снег. Во претпладневните часови врнежите од дожд ќе преминуваат во врнежи од снег и до крај на денот насекаде се очекуваат врнежи од снег, освен во крајните југоисточни предели каде што во поголем дел од денот врнежите ќе бидат од дожд, а во вечерните часови врнежите ќе преминуваат во врнежи од снег, прогнозираат од Weather4all.mk за 4NEWS.mk
Во текот на ноќта сабота кон недела врнежите од снег ќе продолжат. Ќе дува засилен североисточен и северозападен ветер кој што ќе достигне брзина и до 50 км/ч. Максималните температури се очекуваат во утринските часови кога ќе биде и најтопло со температури од 2 до 8 степени, додека пак во текот на денот температури ќе бидат во опаѓање и најстудено ќе биде кон крајот на денот, кога температури ќе се движат во интервал од -7 до 1 степени.
ПРЕДУПРЕДУВАЊЕ – Поради врнежите од снег во текот на целиот ден се препорачува да се избегне патување, доколку се патува да се следат препораките за возење во зимски услови. Товарните возила би требало да ја почитуваат препорака за забрана на движење во зимски услови. Голема внимателност и во вечерните часови и во текот на ноќта сабота кон недела поради ниските температури појава на умерен мраз и можна е појава на голомразица.
Во недела во раните утрински часови врнежите од снег ќе престануваат и постепено намалување на облачноста и во текот на денот ќе преовладува претежно сончево време со локална облачност, ветровито и студено време. Минималните температури ќе се движат во интервал од -11 до -3 степени, додека пак максималните дневни температури ќе се движат од 1 до 7 степени.
Во понеделник и вторник ледено утро со појава на умерен мраз и утрински температури кои што ќе се движат во интервал од -12 до -4 степени. Во текот на денот претежно сончево време со појава на локална облачност и дневни температури од 0 до 6 односно од 2 до 8 степени.
Во Македонија во среда ледено утро и појава на умерен мраз со утрински температури од -8 до 0 степени. Во текот на денот претежно сончево време со локална облачност и дневни температури од 3 до 9 степени.
