Ивица Боцевски амбасадор во Шведска, Фадил Зендели во Данска – познати имињата и за Саудиска Арабија и Албанија

Двајца поранешни пратеници стануваат амбасадори во Риат и Копенхаген, додека во Стокхлом и Тирана заминуваат двајца поранешни амбасадори.

Телма од дипломатски извори дознава дека пред 15 дена поминале четири имиња за идни амбасадори и тоа во новоотворената амбасада во Саудиска Арабија заминува Салим Сулејмани кој во мај поднесе оставка како пратеник и се повлече од сите функции во Алијанса за Албанците на Арбен Таравари, една недела откако партијата се повлече од власта.

Објавата дека Македонија ќе отвора амбасада во Ријат дојде три дена подоцна.

Поранешниот пратеник од БЕСА Фадил Зендели ќе го пополни амбасадорското место во Данска.

Иден Амбасадор во Шведска ќе биде Ивица Боцевски кој порано беше амбасадор во Бразил.

Во Тирана заминува Веле Трпевски кој беше веќе Амбасадор во Албанија, а претходно во Австралија

Останува празно местото за Атина за каде се споменува името на директор на позната ПР агенција.