ИТНО СЕ ПОВЛЕКУВА ПОПУЛАРНО ЧОКОЛАДО ВО ГЕРМАНИЈА – може да содржи метални делчиња, сите кои го купиле да го вратат
Германскиот ланец на супермаркети Алди Суд повлекува чоколадо од своите рафтови бидејќи може да содржи метални фрагменти кои можат да предизвикаат повреди.
Според германските медиуми, чоколадото „Choceur Choco Changer“ се повлекува од пазарот. Добавувачот Liberet NV информира дека постои можност одредени пакувања чоколада да содржат метални туѓи тела.
Производот се продаваше преку малопродажниот синџир Алди Суд. Потрошувачката на отповиканиот производ не се препорачува, пишува магазинот Феникс.
Се препорачува потрошувачите да не ги консумираат погодените чоколади и тие треба да се вратат на продажното место.
Според Алди, средствата за купување на чоколадото ќе им бидат вратени на клиентите без да се покаже сметка.
Металните туѓи тела може да предизвикаат сериозни повреди во устата и грлото. Можни се и внатрешни повреди или крварење.
Секој кој го конзумирал производот и има симптоми треба веднаш да побара лекарска помош, истакнуваат германските медиуми.
