ИТНО ДА СЕ УНИШТАТ: Мандарини од Хрватска стопирани на граница со Србија, пронајден нелегален пестицид во нив

Пратка мандарини од Хрватска, која била наменета за извоз на српскиот пазар, била запрена на граница и наложено е да се уништат на безбеден начин, бидејќи при контролата било утврдено дека мандарините содржат нелегален пестицид хлорпирифос.

Алармот за штетноста на мандарините бил покренат од Системот за брзо предупредување за безбедност на храната на Европската унија (РАСФФ) каде е објавено дека во примероците од мандарина земени во Хрватска на 18 октомври биле пронајдени 0,044 мг на килограм пестицид хлорпирифос и дека е наредено да се уништат мандарините.

– Од Министерството за земјоделство, шумарство и водостопанство ја потврдија веста и соопштија дека ова е втора контроверзна пратка мандарини од Хрватска во кои е утврдено присуството на истиот пестицид, бидејќи уште една пратка, пред оваа за која се бара уништување, веќе била вратена во Хрватска – пишува „Блиц.рс“.

Пестицидот хлорпирифос е забранет во ЕУ од почетокот на 2020 година, а во Србија од минатата година, освен шеќерна репка, според одлуката на Министерството за земјоделство.

Како што е објавено на веб-страницата РАСФФ, пестицидот хлорпирифос е пронајден во примероците од мандарина земени на 18 октомври. Регистрирани се 0,044 mg/kg од овој пестицид.

Летово, поточно во август на хрватската граница беа стопирани праски, при што беше откриено високо ниво на пестицидот хлорпирифос во пратката со праски која пристигнала од Србија, па испораката била вратена. Медиумите објавија и дека на 7 јули праските произведени во Србија се вратени од границата со Словенија и дека било констатирано дека праските го содржат пестицидот хлорпирифос.

Фото: Принтскрин/РАСФФ