ИСТОРИСКИ УСПЕХ: Македонското знаме на победничкиот подиум на УСА Опен
Тимот на Милошевски Маршал Артс, предводен од сенсеи Деја Милошевски, со гордост ја претстави Македонија на најголемото интернационално натпреварување во историјата на САД, УСА Опен, кое собра повеќе од 2600 натпреварувачи од 40 земји.
На ова глобално сценарио, тимот постигна исклучителни резултати, а најголем успех донесе младата Бони, која ја освои бронзата во дисциплината кати на Интернационалниот јуниорски куп. За неа, ова беше огромно достигнување, особено бидејќи ова беше нивниот прв настап на глобално ниво.
Сенсеи Дејан, по неколку години со повреди и посветена подготовка, се врати на татамито и ја освои највисоката награда – златен медал во дисциплината кати (сите стилови), симболизирајќи ја непоколебливата решителност и силата на македонскиот дух.
„Овој успех не беше само лична победа, туку и победа на Македонија на глобалната сцена,“ изјави Дејан, кој исто така беше и дел од судискиот тим, работeјќи неуморно три дена, додека истовремено настапуваше како натпреварувач.
„Овој успех го посветувам на сите Македонци во дијаспората,“ додаде сенсеи Дејан, потврдувајќи дека неговата мисија е да ја носи Македонија и македонската заедница во светот, инспирирајќи нови генерации со карактер и посветеност.
Тимот докажа дека македонскиот карате не само што е силно присутен на светската сцена, туку и дека е пример за вредности и дисциплина што ја инспирираат идната генерација спортисти.
