Истекуваат 24 часа клучни за 5-те приведени во случајот со исчезнувањето на Вања
Истекуваат последните часови кога македонската полиција треба да одлучи што ќе прави со петте приведени лица поврзани со исчезнувањето на 14 годишната Вања. Согласно закон, полицијата или треба да ги ослободи или пак да ги предаде до судија на претходна постапка кој би одредил притвор, одземал пасош, домашен притвор или пак други мерки со кои се ограничува нивното движење.
Од Министерството за внатрешни работи (МВР) утрово не соопштуваат повеќе детали каква ќе биде постапката на полицијата, додаваат само дека се работи на случајот и кога ќе имаат дополнителни информации истите ќе бидат споделени со медиумите.
Вчера и денеска со петте приведени лица спроведени се испрашувања и истраги со цел да се соберат што е можно повеќе информации кои би помогнале во пронаоѓање на девојката. Ова вклучува прашања за нивната врска со девојката, нивните движења и активности околу времето на исчезнувањето.
Во моментов исто така не е јасно дали е извршен претрес во нивните домови. Полицијата може да изврши пребарувања на домовите, возилата или други места поврзани со приведените лица за да се најдат докази кои би можеле да помогнат во истрагата.
Освен одземениот автомобил за кој вчер објавивме, се вршат форензички анализи и на мобилните телфони на приведените. Современите методи како анализа на телефонски податоци, видео надзор, и дигитална форензика може да се користат за да се следат движењата на девојката и осомничените.
По 14 годишната Вања трага и Интерпол. Па македонската полиција соработува и со нив.
Ако постојат докази кои укажуваат на кривично дело, приведените лица може да бидат формално обвинети и задржани во притвор во исчекување на судење.
Фото: Илустрација | 4NEWS.mk
