ИНВЕСТИТОРИТЕ БАРААТ СИГУРНИ СРЕДСТВА: Цената на златото проби нова граница
Цената на златото стигна до нова граница од 3.500 долари за унца.
Унца злато поскапе за 1,5 отсто на 3.500,05 долари. Договорите за злато во САД имаат раст од 1,8 отсто, односно чинат 3.485,10 долари.
Како што анализира Ројтерс, зголемувањето на цената се случи откако американскиот претседател Доналд Трамп го критикуваше претседателот на Федералните резерви, Џером Пауел за предизвикување паника кај инвеститорите и зголемување на побарувачката за сигурни средства.
Само на 22 април, цената на златото се зголеми за дополнителни 2,2 отсто, по зголемување од 2,9 отсто ден претходно. Последниве три години цената на златото оди по нагорна линија.
foto freepik.com
