Интересни факти за Давос кои не сте ги знаеле: Кој плаќа билет од 23.000 евра, а кој половина милион?
Сите очи на светот деновиве се вперени во едно мало село во Швајцарија – Давос, место каде живеат 11.000 жители и кое во последните 50 години секој јануари ја собира економската и политичката елита – светски лидери, глави на најважните глобални компании, јавни личности…
Иако е познато како одморалиште на Алпите и модерен скијачки центар, сите тие всушност доаѓаат во Давос во јануари на Светскиот економски форум – собир на кој не доаѓате без причина.
10 факти за Давос кои не сте ги знаеле
Тоа всушност не се вика Давос
Иако сите го нарекуваат Давос, овој јануарски состанок е всушност Светскиот економски форум (СЕФ). Давос е само името на швајцарското планинско одморалиште каде се одржува самитот.
Имаше ситуации кога многумина се обидоа да го користат името Давос за своите настани.
Така, на пример, инвестициската конференција во Саудиска Арабија во 2018 година беше наречена „Давос во пустината“. Тогаш Светскиот економски форум возврати и рече дека ќе ги искористи сите средства за да го заштити брендот Давос од нелегална употреба.
СЕФ исто така има свој јазик
Комплицираниот корпоративен жаргон е белегот на оваа конференција. Она што го велат учесниците може да биде многу мистично дури и за искусен набљудувач на WEF.
Дури и темата на секоја конференција е често неразбирлива.
Безбедност
