ИНСПЕКЦИЈА ВЛЕЗЕ ВО ПРОДАВНИЦА НА „ЗАРА“, ДАЛИ ИМА ШУГА?: Неколкумина купувачи пријавиле дека имаат осип

Откако неколку граѓани изразиле сомневање дека добиле шуга
откако носеле облека од
продавницата „Зара“ во Подгорица, во таа продавница била испратена санитарна
инспекција, потврдија за Побједа.

– До Инспекцијата
има дојава и на терен се испратени санитарни инспекцтори. Кога ќе заврши увидот, ќе ја
информираме јавноста за констатираната состојба – изјави за порталот Побједа, Ана Вујошевиќ, директорка на Управата за
инспекциски работи во Подгорица.

Граѓаните пријавиле дека добиле осип на стомакот и грбот
откако носеле облека од шпанскиот
бренд.

Подгоричките медиуми го контактираа Институтот за јавно
здравје за оваа ситуација. Како што наведуваат, засега неофицијално е потврдено
дека има случаи на шуга, но дека тоа не е необична бројка.

Институтот за јавно здравје на Подгорица вчера соопшти дека од 13 февруари до 13 март во
Центарот за контрола и превенција на заразни болести биле пријавени осум случаи
на шуга, а три случаи се регистрирани во Подгорица.

Последниот
случај на шуга е регистриран на 1 март.

– Во истиот период лани во Црна Гора се регистрирани 26
случаи, а во Подгорица пет случаи – соопшти црногорското ИЈЗ.

Тие истакнаа дека шугата е заразна кожна болест која е
широко распространета низ светот. Оваа
заразна болест вообичаено се пренесува со продолжен директен контакт со кожата
на заразен пациент или со
користење на иста постелнина или облека.