Индија воведува нови стандарди за производство на лекови по смртните случаи во странство
Индиските фармацевтски компании ќе мора да ги исполнат новите стандарди за производство од оваа година, објави Ројтерс, повикувајќи се на официјалното владино известување во Делхи.
Мерката стапува на сила и покрај одложувањето што го бараат малите производители заради нивните долгови.
Од 2022 година, неколку земји пријавиле голем број смртни случаи поврзани со индиски лекови. Тоа ја натера владата на премиерот Нарендра Моди да ги засили инспекциите на фармацевтските погони за да го исчисти угледот на индустријата вредна 50 милијарди долари.
„Производителот мора да преземе одговорност за квалитетот на фармацевтските производи, да обезбеди нивна соодветност за намената употреба, да ги почитува барањата за лиценца и да не ги изложува пациентите во ризик поради недоволните мерки за безбедност, квалитет или ефикасност“, се вели во известувањето на индиските власти. .
Дополнително, компаниите мора да продаваат готови производи само ако се добиени „задоволителни резултати“ на тестовите на состојките и складираат доволно примероци од средни и финални производи за да можат повторно да тестираат или проверат серија, се додава во документот.
Во август, индиското Министерство за здравство соопшти дека инспекциите на 162 фабрики за лекови извршени по декември 2022 година откриле дека „користените суровини не биле тестирани“. Исто така, според одделот, помалку од една четвртина од 8.500 мали фабрики за лекови во Индија ги исполнуваат меѓународните стандарди за производство на лекови поставени од Светската здравствена организација (СЗО).
Владата им даде на најголемите производители на лекови 6 месеци да ги решат овие проблеми. За малите фармацевтски компании рокот е една година, но тие побараа повеќе време, предупредувајќи дека се многу задолжени и дека инвестицијата потребна за исполнување на стандардите ќе затвори речиси половина од нив.
СЗО и другите здравствени власти ги поврзаа индиските сирупи од кашлица со смртта на најмалку 141 деца во Гамбија, Узбекистан и Камерун.
