Индекс на перцепција на корупцијата 2025: Македонија стагнира со 40 поени
Најновиот извештај на „Транспаренси Интернешнл“ покажува дека борбата против корупцијата на глобално ниво е во застој. Слабнењето на демократските механизми и притисокот врз медиумите се посочени како главни причини за падот на транспарентноста кај повеќето земји.
Македонија во 2025 година останува со ист резултат од 40 поени (на скала од 0 до 100), што укажува на стагнација во сузбивањето на корупцијата во јавниот сектор. Иако земјата се наоѓа на 84-то место (напредок од 4 позиции поради поместувања кај другите земји), суштински напредок во перцепцијата на граѓаните и експертите нема.
Резултатите во регионот се мешовити, при што Македонија се наоѓа на средината на табелата:
На врвот на листата како најтранспарентни земји традиционално се Данска (89 поени) и Финска (88 поени). Спротивно на нив, на дното како висококорумпирани општества се наоѓаат Јужен Судан, Сомалија и Венецуела.
Глобалниот просек изнесува загрижувачки 42 поени, а две третини од државите во светот имаат резултат под 50, што е јасен сигнал за системски проблеми со корупцијата во светски рамки.
