ИНЦИДЕНТ ВО ПАНЧЕВО: Срби истепале Хрвати, Хрватска упати протестна нота
Во српскиот град Панчево се нападнати четворица Хрвати и двајца Срби кои ги бранеле. Инцидентот се случил на 13 -ти месецов.
„Имало неиспровоциран тежок физички напад врз четворица хрватски државјани, како и врз двајца Срби кои застанале во нивна одбрана“, информира Министерството за надворешни и европски работи на Република Хрватска.
Од хрватското Министерството велат дека овој чин бил јасно национално и етнички мотивиран.
„МВЕП очекува итна и јасна јавна осуда на овој напад од страна на официјалните лица на Република Србија, бара итно доставување на сите релевантни информации поврзани со дејствијата на полицијата и правосудните органи на Република Србија во конкретниот случај и очекува соодветна казна на сторителите“, се наведува во соопштението на МВЕП.Српскиот претседател Александар Вучиќ денеска го осуди физичкиот напад врз четворица хрватски државјани во Панчево минатиот викенд и додаде дека надлежните органи ќе направат сè за да ги гонат одговорните за тој инцидент.
„Тоа е недозволиво, никаде не смее да се случи такво нешто, ниту кај нас, ниту во регионот“, рече Вучиќ на отворањето на Бизнис саемот во Мостар.
Министерството за надворешни и европски работи на Хрватска претходно испрати протестна нота до Србија во врска со физичкиот напад.
