ИМА ЕВТИНО И ВО ХРВАТСКА, ЦЕЛА ПИЦА, ПИВО И СЛАДОЛЕД ЗА САМО 10 ЕВРА: Турист од Британија кажа кој е најевтиниот хрватски град
Додека цените во
Хрватска стануваат се повеќе тема на дискусија, британскиот жител на Хвар, Пол
Бредбери, истражувал каде се крие најевтиниот град во земјата.
По серијата вести
за високите цени во Хрватска и бесот на локалните и странските медиуми,
Бредбери се запраша дали постои некаде спротивното – место каде што може да се
најдат основни работи како пиво, пица и сладолед по разумни цени.
– Неодамна
посетив еден локал во Далмација каде половина литарско шише пиво чинеше четири
евра. Набавната цена за тој производ е 1,05 евра со вклучен ДДВ. Не критикувам,
само констатирам, немам искуство со водење на кафуле. Тогаш открив дека во бар
на само 30 минути возење од Загреб, цената на пивото е намалена на
изненадувачки ниски 1,80 евра – пишува Бредбери за Total Croatia News.
Откако ги
истражувал локалните ресторани, открил дека цените на оброците значително се
разликуваат во Орославје. Таму, вели, може да се најдат пици од 7,20 евра,
големо пиво за 1,80 евра и сладолед од 1,20 евра. Вкупниот трошок за еден ваков
оброк е само 10,20 евра.
– Цело лето не
сум видел ништо толку евтино – пишува Британецот и наведува дека не се работи
за мали пици, туку такви какви што човек може да јаде.
Бредбери се
прашува дали Орославје можеби е најевтиниот град во Хрватска кога станува збор
за цените на ресторанската пица, пивото и сладоледот.
– Значи,
предизвикот е поставен. Дали е ова најевтиниот град во Хрватска за пица, пиво и
сладолед или може и подобро… – го завршува својот текст.
ФОТО: Unsplash
