Има 14 години, висок 208 см и носи патики број 56 – големите компании го бркаат

Американецот Ерик Килбурн Јуниор има само 14 години, а неговата приказна веќе ги обиколи САД и целиот свет. Овој американски фудбалер, кој игра за гимназијата Гудрич, стана препознатлив по својата конституција на телото. Тој е висок 208 сантиметри, носи тениски копачки со големина 56 и поради тоа не може да се ослободи од компаниите за спортска опрема.

Во едно неодамнешно интервју, неговото семејство се пожали дека е многу тешко да се најдат соодветни чевли за Ерик. “Поминав часови плачејќи затоа што чувствував дека го изневерувам моето дете. Не можам да ги исполнам неговите основни потреби”, рекла еднаш неговата мајка Ребека, а на нејзиниот плач се одзвале бројни големи компании.

Се чека одлука за фирмата што ќе ја изберат

Веднаш реагираа Puma и Under Armour, како и бројни други производители на спортска опрема, нудејќи големи суми пари за да бидат главен производител на чевли за Ерик. Секако, со оглед на тоа што Ерик игра американски фудбал, компанијата која се грижи за неговите обувки ќе ги изработува и неговите копачки.

Сепак, не беа само толку големите стапала што му донесоа слава на Ерик. Поради нив досега имал дури шест операции. Главниот проблем биле вродените нокти, а палците биле таков проблем што лекарите морале да ги отстранат.