ИМ БЕГА РАБОТНАТА СИЛА: Трпи економскиот раст на Косово
Oдливот на работна сила по визната либерализација го намали економскиот раст во Косово.
Меѓународниот монетарен фонд (ММФ), во последниот извештај за Косово, наведува дека економијата на земјата продолжува да се шири, но динамиката на раст е забавена. Тоа е делумно резултат и на одливот на работна сила по укинувањето на Шенген визите за косовските државјани.
Во однос на надворешните ризици, во извештајот на ММФ се говори за нови поскапувања поради геополитички шокови, вклучително и конфликтот Израел-Газа и војната во Украина.
За казнените мерки на ЕУ, во извештајот се вели дека доколку тие продолжат, може да имаат поголемо влијание.
„Иако мерките на ЕУ не се очекува значително да влијаат на растот на краток рок, доколку продолжат со текот на времето, ќе влијаат врз финансирањето и растот на среден рок“, пишува во извештајот.
Во однос на внатрешните ризици, првично се споменува можноста за ескалација на тензиите на северот.
