Илиевски: Циркузантите ја уништуваат светоста на куп-завршницата!
Дел од кошаркарите на скопскиот тим понесени од еуфоријата, но и со желба да расчистат некои стари сметки влегоа во вербален конфликт со стратегот на битолчани, во што предничеше Бојан Трајковски. Ветеранот до пред една година беше дел од зелено-белиот тим, поради што играше со дополнителен мотив против поранешниот клуб и тренер.
„Натпреварот го загубивме на почетокот кога бевме во негатива од 16 разлика, иако подоцна успеавме да ја стигнеме. Сето останато што се случуваше на паркетот, не е за коментирање. Куп-завршницата е светост за сите љубители на кошарката и му честитам на организаторот на направеното, но мора да потенцирам дека треба да се стави крај на циркузантите кои го расипуваат сето ова. Се појавуваат екипи кои создаваат една слика, сосема поразлична од таа на која сме навикнати во минатото, а притоа се поддржани од некои кошаркари чиј однос не е пример за сите оние кои доаѓаат. Навистина жалам за тоа“- изјави Илиевски.
На Пелистер му останува борбата во првенството во кое е на второто место на табелата со само една победа помалку во однос на лидерот МЗТ Скопје.
