ИКЕА демантира: Нема планови за влез во Македонија

Интер ИКЕА Груп, глобалниот франшизер на шведскиот малопродажен ланец за мебел ИКЕА, во вторникот соопшти дека во моментов нема планови за отворање ИКЕА продавници во Македонија, демантирајќи ги претходните наводи во локалните медиуми за разговори за влез на пазарот.

„Интер ИКЕА Груп континуирано ги разгледува можностите за проширување на ИКЕА концептот и на постојните и на нови пазари, со цел да се доближи до што повеќе луѓе. Сепак, заклучно со денес, нема планови за отворање ИКЕА во Северна Македонија“, соопшти групацијата.

Во регионот, ИКЕА е присутна во Хрватска, Словенија, Србија, Романија, Бугарија и Грција.