ИААФ пресече: Не дозволуваме „трансџендер“ во женска конкуренција!
Во официјално обраќање, првиот човек на ИААФ, Лорд Себастијан Коу, соопштил дека „сите лица, кои минале пубертет како машки пол, а сега се изјаснуваат како женски трансексуалци, нема да смеат да се натпреваруваат, почнувајќи од 1 април.
„Ова не значи ‘не’ засекогаш. Одлукаа ја донесовме водени од принципите да ја заштитиме женската конкуренција“, се изјаснил Лорд Коу.
Исто така ИААФ донела одлука за намалување на нивото на тестостерот кај лицата кои имаат „Разлики во половиот развој“, како што беше на пример Кастер Семења, тркачката на средни патеки од Јужна Африка. Таа е жена, родена, израсната и живее како таква, но нивото на тестостерон во нејзиниот организам било повисоко од вообичаено.
Затоа сега лицата со „Разлики во половиот развој“ ќе мора да го намалат нивото на тестостерон под 2,5 наномоли по литар и тоа мора да остане пониско од ова ниво во рок од две години, за спортистката да има право да се натпреварува во женска категорија во која било дисциплина. Намалувањево на ниво на тестостерон е драстично, бидејќи претходната дозволена граница била 5 наномоли по литар. Уште од претходно, спортистките од оваа категорија имаа забрана да се натпреваруваат во тркачките дисциплини од 400 до 1500 метри.
