И Вардар му честиташе на Дибиров: Ќе останеш нашиот херој!
Дибиров дресот на Вардар го носеше девет сезони и стана најдобриот стрелец за „црвено-црните“ во Лигата на шампионите со постигнати 525 голови. Во тој период руското крило со Вардар и двапати се искачи на тронот на Европа.
Во честитката на социјалните мрежи Вардар порача и дека го чека Дибиров во Скопје.
„Дојде во Вардар, играше, освои се што можеше, и влезе во легендите. Ти благодариме што девет сезони беше дел од клубот и заедно се радувавме на сите успеси. Те чекаме во Скопје и заедно да прославиме. Ќе останеш секогаш нашиот спортски херој“, објави Вардар.
Вкупно во својата кариера Дибиров одигра 21 сезона во Лигата на шампионите.
