И СДСМ бара гаранции од Бугарија – Филипче: Покажете европско однесување, кажете дека ќе нема блокади
Претседателот на СДСМ, Венко Филипче, од Прилеп порача дека Бугарија треба јасно да каже дека нема да поставува нови барања кон Македонија на непринципиелна основа.
Тој повика Бугарија да покаже европско однесување, потенцирајќи дека благодарение на политиките на СДСМ, македонскиот јазик е официјално признаен во ЕУ, а Фронтекс-договорот е првиот документ потпишан на македонски јазик без услови и фусноти.
„Бугарите треба да направат на вистина еден чекор кога еден нивни сосед, кој има аспирацији да стане земја членка во Европска Унија. Да се однесуваат по-европски. Ако ние стравуваме дека утре може да има некаква блокада на непринципелна основа, на основа на јазикот, идентитетот и така натаму, нека покажат европско однесување и нека кажат дека нема да го има тоа. Нека кажат. Ние сакаме нашите соседи да се во Европа, еве ќе ви дадеме подршка. Не се грижете нема да има такви барањи. Тоа е вистинска добрососедска политика. Не само да притискаш, некој го што е по мал и по слаб“, вели Венко Филипче.
