И денеска дожд и грмежи: Еве кога се враќаат летните горештини
Иако календарски е длабоко навлезен август, нестабилното и свежо време и понатаму ја обележува атмосферата во Македонија. Денеска не очекува променливо облачно и нестабилно време, со појава на локални врнежи од дожд, грмежи, а на места и краткотрајно невреме, предупредуваат од Управата за хидрометеоролошки работи.
Утринските температури се движеа од 12 до 19 степени, додека максималните ќе се движат од 24 до 29°C. Најголема нестабилност се очекува попладне, кога се предвидува засилен развој на облачност, пороен дожд, грмежи, силен ветер, а можно е и врнежи од град во поединечни подрачја.
Во некои делови од земјата може да дојде до нагли атмосферски промени, со локализирани бури и пороен дожд што за кратко време ќе донесе обилен воден талог. Возачите и граѓаните се повикуваат на внимателност, особено во периодот по 14 часот, кога е најголема веројатноста за појава на нестабилности.
Главниот град нема да биде поштеден. Во Скопје ќе преовладува променливо и нестабилно време, со периодични врнежи и можност за грмежи. Највисоката температура ќе достигне до 27 степени, а минималната се движеше околу 16°C. Локални услови за град и засилен ветер не се исклучуваат.
Нестабилноста е резултат на циклонален систем над Балканот, кој според прогнозите, ќе го изгуби влијанието од среда навечер. Според УХМР, вторник и среда ќе бидат последните денови со изразена нестабилност. Веќе од четврток, 7 август, не’ очекува стабилно, сончево и сè потопло време.
Температурите ќе почнат значително да се зголемуваат – до крајот на неделата ќе достигнат над 33°C, особено во јужните и југоисточните региони, каде се очекуваат и тропски ноќи.
Почнувајќи од петок, Македонија влегува во период на вистински летни горештини. Времето ќе биде сончево, стабилно, со дневни температури од 34 до 36 степени, а УВ индексот ќе биде висок, па се препорачува заштита од сонце и редовен внес на течности.
Стабилното и топло време ќе продолжи и во првите денови од наредната недела. Според моменталните прогнози, до средината на август нема поголеми промени на времето, освен евентуални краткотрајни попладневни нестабилности во планинските предели.
Иако денеска времето е непредвидливо, од четврток нè очекува стабилно и топло време, погодено за одмори, патувања и активности на отворено. Денес, сепак, се препорачува претпазливост, особено попладне, кога е можно невреме со грмежи и силен дожд.
