И албанските функционери си ги зголемија платите како македонските

Законот за зголемување на платите на високите функционери, како пратениците, министрите и претседателот, беше изгласан денеска во албанскиот парламент со 95 гласа „за“, 3 против, без воздржани и 5 кои не учествуваа во гласањето. 

Со неодамнешните измени на законот за плати, најголемо покачување ќе имаат пратениците со 98 отсто, а по нив министрите со 82 проценти. Пораст од 72 отсто ќе има платата на премиерот, а претседателот за 65 проценти.

Реформата на платите што ја иницира Владата се чини дека најпрво има најголем ефект врз платата на високите функционери, а потоа и врз другите категории вработени во јавниот сектор. 

Во меѓувреме, за останатите вработени во администрацијата ќе има зголемување за за 90 до 320 евра. За разлика од 2022 година, каде што само општите лекари, медицинските сестри, наставниците и безбедносните работници, вклучително и полицијата, чуварите, пожарникарите и вооружените сили, добија зголемување на платите за 7отсто, оваа реформа на платите само што започна.