ХРВАТСКА: Убиена е жена, уапсен е член на семејството

Шеесет и осумгодишна жена е убиена во саботата наутро во хрватскиот главен град Загреб, јавуваат хрватските медиуми.

„Околу 10 часот и 15 минути, маж со остар предмет уби 68-годишна жена, член на неговото семејство, во куќа на загрепски Чрномерац. Осомничениот кој е поврзан со ова кривично дело е под надзор на полицијата. Во тек е истрага и кривична истрага“, соопшти полицијата, пренесува Н1 Загреб.

Според неофицијални информации, осомничениот е синот А.К.(28). По извршеното кривично дело, тој мирно се оддалечил од куќата, а ниту соседите, ниту сестрата на мајка му, која живее со своите деца над нив, не слушнале врева. Наводно, мртва ја нашла нејзината сестра, која отишла нешто по 10 часот да провери зошто утрото не дошла кај неа на кафе.