ХРВАТСКА: Никој не живее во 40 отсто од становите и куќите

Вицепремиерот и министер за градежништво, Бранко Бачиќ, во Собранието го презентираше Законот за управување и одржување на згради, кој ќе стапи на сила следната година. Бачиќ вели дека Хрватска во моментов има околу 2,3 милиони станбени единици, а приближно 40 отсто од тој станбен фонд не е во функција.

Никој не живее во нив трајно. Вкупно 958.000 станбени единици, кои се изградени за живеење, денес не се во оваа функција, поради што цените на недвижностите растат бидејќи побарувачката е голема, а понудата е мала. Според податоците на ХЕП, воопшто не е потрошена струја во дури 565.000 станбени единици. Околу 232.000 станбени единици се под краткотраен закуп, откри вицепремиерот во Собранието. Според предложениот закон, од 1 јануари идната година, секој што издава станови на краток рок ќе треба да добие согласност од најмалку две третини од сопствениците на другите станови, пренесува Даница.хр.

foto freepik.com/teksomolika