ХРВАТИТЕ СИ ПАЗАРУВААТ ВО СЛОВЕНИЈА, ВО СОСЕДСТВОТО ИМ Е ДАЛЕКУ ПОЕВТИНО: „Количките се полни со производи по пониски цени“

Хрватските граѓани често одат на шопинг во Словенија, каде
што цените се пониски, некои и значително. Илирска Бистрица, мала словенечка
општина, е шопинг мека за Хрватите.

Мирела од Риека, барем два пати месечно пазарува во Илирска
Бистрица.

„Цените лудуваат, само ненормално растат од ден на ден,
мислам дека се надминати сите
граници. Тука потрошивме 180 евра, веројатно заштедивме околу 50, 60 евра,
сигурно! Сите јогурти во Хрватска се горе-долу над едно евро, а овде можете да
ги најдете за 30 центи“, изјави Мирела за RTL.

Литар јогурт чини 99 центи. Клиентите, револтирани од цените
во Хрватска, велат дека разликите се драстични.

„За нас десетмина трошам и до 400 евра месечно“

„Кај нас во
Хрватска за ова што го кјупив сигурно ќе платев 200 и над 200 евра! Овде
потрошивме 152 евра, а количката е полна, колата спакувана и така одиме еднаш
месечно“, вели Јосип од Риека. Што е најисплатливо? „Сувомеснати производи, особено салама,
паштети, туна, овошје“, вели Јосип.

„Сигурно, од 100 евра заштедувате од 30 до 50 евра,
дефинитивно штедите. „Гледате многу познати луѓе, правиме муабет, не се гледаме
во Риека, но се гледаме овде“, рече Аднан.

„Нормално е да се лутам, затоа сум тука затоа што вреди
барем 30, 40 отсто повеќе да се купи во Словенија или Италија отколку во
Хрватска! Зошто, затоа што нашите луѓе ги покачија цените до бесвест, сите
сакаат брзо да се збогатат и тоа не е во ред. „Се додека не ги намалат цените,
би им препорачал на сите да одат во Италија и Словенија да пазарат“, вели
Мирослав за RTL.