ХРВАТИТЕ ИМААТ МОРЕ, АМА НЕМААТ ПАРИ ДА ОДАТ НА ОДМОР! „Можам само да сонувам за тоа“
Последните податоци на заводот за статистика на Европската унија, Евростат, покажуваат дека од стотина Хрвати, 42 од нив немале доволно пари за да одат на одмор минатата година.
Според овој критериум само Романија, Бугарија и Грција биле полоши од Хрватска во ЕУ, пишува Вечерњи лист и додава „навистина сме сиромашен“.
Последните податоци на заводот за статистика на Европската унија, Евростат, покажуваат дека 7,6 отсто од Луксембуржаните и 10,2 отсто од Швеѓаните не можеле да си дозволат одмор од најмалку една недела. Заедно со Луксембург и Шведска, најдобри се Финска, Холандија и Данска, каде 12 отсто од граѓаните не можат да си дозволат една недела годишно.
На дното на оваа ранг листа се Романците, од кои 62,5 отсто можат само да сонуваат да одат на седумдневен одмор. Заедно со Романија, најлошо е во Бугарија и Грција, каде 48,8 односно 43,8 отсто од граѓаните не можат да си дозволат да патуваат. Неделно патување годишно не можат да си дозволат 41 отсто од Унгарците, 34,2 отсто од Италијанците, 33,8 отсто од Словаците, 27,6 отсто од Полјаците, 18 отсто од Чесите, 16,7 отсто од Словенците и 13,8 отсто од Австријците.
Најтешко за самохрани родители
Евростат ги објави овие податоци на барање на левичарската фракција во германскиот Бундестаг. Според сопствените изјави, 21,9 отсто од луѓето во Германија немале доволно пари за еднонеделен одмор во 2022 година. Според овие податоци, најпогодени се самохраните родители.
Во категоријата „самец со деца“, 42 отсто од нив во Германија не можат да одат на еднонеделен одмор. Севкупно, домаќинствата со деца (23,4 проценти) беа почесто погодени од домаќинствата без деца (20,7 проценти). Засегнати се и пензионерите. За германските податоци, беа интервјуирани 40.000 луѓе.
Лидерот на левицата во Бундестагот, Дитмар Барх, податоците за Германија ги нарече „тажно откритие“. „Секој треба да има можност да оди на одмор барем една недела годишно. За тоа се потребни повисоки плати, соодветни пензии, конзистентна антиинфлациска политика и основен систем за безбедност на децата отпорен на сиромаштија во Германија“, рече тој, пренесува Вечерњи.
Фото: Принтскрин/Твитер
