Хрватите го предадоа Зеленски! Путин доби неочекуван подарок, одлуката на европските земји ја шокираше Украина!
Шест земји од Европската унија не ја потпишаа Декларацијата за безбедносни гаранции за Украина, објави заменик-началникот на кабинетот на украинскиот претседател Андреј Сибига, а пренесува украинското издание „Страна“.
Документот не го потпишаа Австрија, Хрватска, Унгарија, Полска, Словачка и Малта.
– Мислам дека сите овие земји имаат политичка волја да станат потписници на декларацијата – рече Сибига.
Шефот на кабинетот на украинскиот претседател Андреј Јермак претходно именуваше голем број европски и НАТО земји кои се уште не се приклучиле на безбедносните гаранции за Украина, велејќи дека „овие земји треба да се охрабрат да ја поддржат декларацијата“.
– Украина е подготвена да премине од консултации на билатерални преговори со земјите со цел да се склучат договори за безбедносни гаранции. Важен дел од билатералните договори ќе бидат одредбите за заедничко одбранбено производство – рече Јермак.
Тој претходно изјави дека се надева дека безбедносните гаранции за Украина ќе бидат потпишани пред самитот на НАТО во Вашингтон во 2024 година, истакнувајќи дека тие мора да останат во сила додека Украина не влезе во Алијансата.
Во јули, земјите од Г7 усвоија декларација за посветеност на долгорочната безбедност на Украина, која вклучува обука на украинската армија, обезбедување разузнавачки информации, обезбедување модерна воена опрема на копно, море и воздух, поддршка на иницијативите за сајбер одбрана итн.
Шефот на француската дипломатија Кетрин Колона на крајот на август изјави дека на самитот на НАТО, што се одржа во јули во Вилнус, земјите од Г7 одлучиле да склучат билатерални безбедносни договори со Украина.
