![Хоспитализирани четири лица со голема кашлица – 27 нови случаи](https://novina.mk/wp-content/uploads/2024/04/kaslica-850x560.webp)
Хоспитализирани четири лица со голема кашлица – 27 нови случаи
Евидентирани нови 27 случаи на голема кашлица од 19 до 25 април, што е намалување од 41,3 проценти, споредено со претходниот седмодневен период. Од новозаболените, четири лица се хоспитализирани, се наведува во најновиот извештај на Институтот за јавно здравје (ИЈЗ).
Според извештајот на ИЈЗ, најголем дел од случаите се пријавени во рамките на епидемијата во Скопје – 20, а пријавени се заболени и во Битола – три, Куманово – две лица и по еден случај во Тетово и Демир Хисар.
– Возраста на заболените се движи од еден месец до 54 години, а најголем број случаи се од возрасната група од 10 до 14 години. Во однос на вакциналниот статус на заболените, 15 лица се некомплетно вакцинирани, невакцинирани или имаат непознат вакцинален статус, 11 се комплетно вакцинирани и еден случај е вакциниран согласно возраст, се појаснува во извештајот на ИЈЗ.