ХОРОР ВО ХРВАТСКА – во семеен двор пронајдени телата на две новороденчиња
Пронајдени се телата на две новороденчиња закопани во смејниот дом во општина Љубешчица, Хрватска. Како што јавуваат тамошните медиуми голем број припадници на полицијата и другите служби учествуваа во ископувањето во потрага по телото на новороденче. Иако првично се трагало само по едно тело, во ископувањето било откриено и второ тело.
Како што неофицијално пренесуват тамошните медиуми, кај мештаните имало сомнеж дека нешто чудно се случува најмногу поради третото дете за кое забележале дека е неухрането. Наводно станува збор за доселеници во општината, а телото на доенчето било пронајдено во дворот од нивната семејна куќа.
Според неофицијални информации, родителите се приведени. Третото дете е згрижено и е безбедно.
Родителите на две новородени бебиња, чии тела беа пронајдени закопани во дворот на семејната куќа во Љубљ Калнички кај Вараждин, времето го поминаа во притвор, каде ја читаа Библијата.
Тие не зборуваат и не се молат.
Некои медиуми јавуваат дека родителите најверојатно биле членови на секта, но тоа не е потврдено.
Таткото е од Сплит, роден 1982 година, а мајката од Загреб и немаат исто презиме, пренесува Јутарњи повикувајќи се на извори блиски до истрагата.
Брачниот пар во четириесеттите години не е регистриран на подрачјето на општината каде што живее.
Градоначалникот на Љубешчица, Ненад Хорватиќ, веќе за медиумите изјави дека не знаат за нив во градот и дека неодамна се вселиле.
