Хорор во Австрија: Мајка си го заборавила 4-годишното дете на планина
Мајка (36) го заборавила својот мал син по излетот на голема надморска височина. Дури кога стигнала во долината, забележала дека четиригодишното дете недостасува.
Мајката, заедно со четири возрасни лица и девет деца, била на излет на Гринберг кај Гмунден, во Горна Австрија, пишува „Кронен Цајтунг“. По излетот, околу 17:30 часот, групата се вратила со жичарница во долината. Во метежот, никој веднаш не забележал дека едно дете недостасува.
Детето останало на планината, каде што безгрижно си играл на игралиштето. Подоцна почнал да ја бара својата мајка. Внимателниот сведок, 49-годишна жена станала спасителка на денот. Таа го забележала вознемиреното дете и знаела на која фамилија ѝ припаѓа, бидејќи децата се познавале меѓу себе. Веднаш ја известила полицијата и ѝ јавила на мајката – која веќе била во голема грижа – дека детето е пронајдено.
Бидејќи жичарницата веќе не работела, полицијата се искачила на планината. Полицајците го пронашле момчето и го вратиле кај неговата мајка – за обајцата тоа било врв на среќата, пишува „Феникс Магазин“.
