ХОРОР ВО АВСТРИЈА Мајка ги убила двете ќерки, а потоа се обидела да си го одземе животот

Во близина на Тулин во провинцијата Долна Австрија, 36-годишна мајка убила две свои деца: 7-месечно и 7-годишна ќерка, јавуваат австриските медиуми.

Како што пишува ОРФ, по убиството на девојчето, таа влегла во автомобилот и се обидела да се самоубие, удирајќи во дрво на патот.

Во несреќата била повредена и пренесена во блиската болница, но според портпаролот на долноавстриската полиција, нејзиниот живот не е во животна опасност.

Овој хорор, како што пренесуваат медиумите, почнал утрово во 9 часот и 30 минути кога татко на две деца повикал полиција и рекол дека му се јавила сопругата и рекла дека ги убила нивните две заеднички деца, а сега ќе се самоубие и себеси.

Полицијата веднаш излегла на местото на настанот и преку отворената врата од балконот влегла во заедничката куќа на брачната двојка.

Според полицискиот извештај, и полицајците биле преплашени кога наишле на мртви тела на 7-месечно и 7-годишно девојче. На помош веднаш пристигнале два хеликоптери и неколку амбулантни возила. За жал, веќе било доцна и лекарите не успеале да ги реанимираат двете деца.

Мајката е уапсена и истрагата е во тек.