Хирург во Црна Гора во тегла чувал орган од починат пациент
Скандал ja тресе Подгорица каде хирург криел делови од телото на покојник. Пронајдена е тегла со човечки орган.
Семејството на починатиот го обвинува хирургот за прикривање докази oдносно делови од телото на починатиот, како и за несовесно лекување со смртен исход. Од Клиничкиот центар и официјално потврдија дека полицијата ја истражува пријавата.
„Потврдуваме дека полицијата спроведе истрага согласно пријавата што ја имаше и целосно соработуваме, како и секогаш, со сите државни органи. Клиничкиот центар на Црна Гора ќе ги координира своите дејствија со резултатите од истрагата што ја спроведува полицијата без да ги прејудицира“, соопштија од институцијата.
Основното државно обвинителство, според неофицијални информации, издало наредба пронајдениот материјал да се испрати на вештачење.
Според неофицијални информации, васкуларниот хирург пред дваесетина дена оперирал пациент, кој по неколку дена починал.
