Хил до српските власти: Ако е неопходно да се проголта горчливо апче, подобро е да се направи тоа сега

Уште една опомена за Србија затоа што не воведе санкции за Русија. Амбасадорот на САД во Србија, Кристофер Хил денеска изјави дека скоро сите држави во светот зазеле став дека не смее да се дозволи на Русија да продолжи да го прави тоа што го прави во Украина и се надева дека и Србија ќе им се придружи на тие земји.

Наведувајќи дека Србија е на пат кон Европската унија (ЕУ), Хил рече дека е неопходно Белград да ја усогласи својата политика со ЕУ.

„Ако е неопходно да се проголта горчливо апче, подобро е да се направи тоа сега“, рече Хил, пренесе Данас.рс.

Холандскиот европратеник Тејс Ројтен од групата на социјалдемократите деновиве изјави дека Србија ја користи ЕУ како банкомат. Тој побара од Европската комисија да ја објасни нејзината „неразбирлива политика“ кон Србија.