Хаверц спречи победничко деби на Ребров: Германија од пенал во 90-та до реми со Украина!
Првиот противник на Македонија во овој јунски циклус, во петок во Скопје, Украина со три контри од три шута ја донесе Германија на раб на пораз, но Хаверц, кој влезе во игра во вториот дел во 83-та минута погоди за да намали, а во 90-та изнуди пенал после несмасен старт на украинската дефанзива и Џошуа Кимих од пенал погоди за да не дозволи пораз на „панцерите“ во својот јубилеен илјадити меч.
Украина на мечот беше во подредена улога, Германија беше таа која играше фудбал, ама Украинците покажаа голема агресивност и пред сѐ извонредна транцизија, па трите гола ги дадоа од контранапади, но истовремено покажаа голема несигурност во одбраната, најмногу на централниот дефанзивец Матвиенко.
Германците поведоа со гол на Никлас Фулкруг по само шест минути, но Васили Циганков и автогол на Антонио Ридигер по ударот на Михајло Мудрик донесоа пресврт, за Циганков во 56-та минута да го даде својот трет гол за огромни 3-1. Германија имаше 65 отсто посед на топката, фудбалски ја надигра Украина, ама дури во завршницата се извлече од поразот.
Украина под Ребров на неговото деби тргна со формација 4-4-2 со Забарњи и Матвиенко како стопери, Миколенко и Тимчук на бековските позиции, а во четворката во средина беа Судаков, Степаненко, Циганков и Мудрик, додека во нападот Јармоленко и Довбик.
