ХАОС ВО ДАЛМАЦИЈА ПОРАДИ НЕВРЕМЕТО – дел од патишата се затворени, авионите принудно слетуваат во Бари
Хрватскиот авто-клуб (ХАК) на својата веб-страница објави дека поради бурните ветрови за сите групи возила затворени се автопатот А1, Јадранска магистрала, мостот Д-р Фрање Туѓман во Дубровник и обиколницата Омис.
Вечерњи лист пренесува дека авиосообраќајот бил во прекин поради силниот ветер кој го зафатил подрачјето на Дубровник, а три авиони кои требало да слетаат на дубровничкиот аеродром „Руѓер Бошковиќ“ се пренасочени кон италијанскиот град Бари.
Станува збор за авионите на „Изи Џет“ и „Бритиш ервејс“ од Лондон, како и на „Рајан“ од Берлин.
Dubrovnik: Zbog jakog vjetra 9 zrakoplova preusmjereno, niz letova otkazan ili kasni https://t.co/ssRaQjfEK4
— Večernji list (@vecernji_list) April 6, 2025
Во дубровничката област засега нема прекини во поморскиот сообраќај.
Полициската управа Сплит-Далмација известува дека во 11:20 часот поради силни налети на ветерот, обиколницата Омиш DC 553 била затворена за секаков сообраќај, а возилата биле пренасочени во DC 8, преку градот Омиш.
Авионите на Ryanair од Стокхолм, Виена и Краков, KLM од Амстердам и Croatia Airlines од Франкфурт и Загреб се пренасочени кон Сплит, а летот на Austrian Airways од Виена е откажан, објавено е на веб-страницата на аеродромот во Дубровник.
Голем број летови од Дубровник до европските дестинации се откажани или одложени.
FOTO I VIDEO Hladna fronta stigla u Hrvatsku, kaos na cestama: Pada snijeg u blizini Splita, temperature se strmoglavile https://t.co/AKoe3OKuuE
— Večernji list (@vecernji_list) April 6, 2025
