Гутереш: Отпуштени се девет вработени во Агенцијата на ОН за палестински бегалци
Генералниот секретар на ОН Антонио Гутереш изјави дека од 12-те вработени во Агенцијата на ОН за палестински бегалци (UNRWA), наводно вклучени во смртоносниот напад врз Израел на 7 октомври, девет биле отпуштени, еден е убиен, а идентитетот на двајца е се проверува.
„Обединетите нации преземаат брза акција по екстремно сериозните обвинувања против неколку вработени во Агенцијата за помош“, рече Гутереш, додавајќи дека веќе е започната истрага.
„Секој вработен вклучен во терористички акти ќе одговара, вклучително и кривично гонење“, најави шефот на ОН.
Тој, сепак, ги повика сите земји да продолжат да ја финансираат агенцијата, која ги поддржува два милиони жители на Газа, кои зависат од „суштинската помош за нивниот секојдневен опстанок“.
По обвинувањата против агенцијата на ОН во Газа, девет земји привремено го прекинаа финансирањето.
„Обвинувањата против тие членови на персоналот мора да бидат кривично гонети, но десетици илјади мажи и жени кои работат за УНРВА, многумина во најопасните ситуации за хуманитарните работници, не треба да бидат казнети. Мора да се задоволат потребите на очајното население на кое им служат“, рече Гутереш.
Велика Британија, Германија, Италија, Холандија, Швајцарија и Финска им се придружија на САД, Австралија и Канада во саботата во суспендирањето на финансирањето на агенцијата за помош, која е од клучно значење за жителите на Газа, по обвинувањата на Израел.
„Иако ја разбирам нивната загриженост, згрозен сум од ваквите обвинувања. „Силно апелирам до владите кои ги прекинаа плаќањата барем да гарантираат продолжување на операциите на УНРВА“, рече Гутереш, пренесоа агенциите.
