Груби: Започнаа преговорите со Бехтел-Енка за Коридорот 8 и 10-Д
Првиот потпретседател на Владата и министер за политички систем и односи меѓу заедниците, г-дин Артан Груби придружуван од министерот за финансии г-дин Фатмир Бесими, министерот за транспорт и врски г-дин Благој Бочварски како и директорот на Претпријатието за државни патишта г-дин Ејуп Рустеми имаа средба со претставници на меѓународниот конзорциум Бехтел Енка како и на компанијата што ќе го надгледува процесот на изградба на овој проект ИРД.
Денешниот состанок доаѓа по состанокот на Комисијата за преговори за изградба на Коридорот 8 и 10 Д и Одлуката на Владата со која ја задолжи Комисијата за преговори за реализација на проектот за изградба на Коридорот 8 и 10 Д, кој е и правен консултант на Владата за договарање на договорот.
Владата минатата недела го одобри заклучокот предложен од Комитетот за преговори дека се исполнети сите предуслови за почеток на преговорите и формирање на работни групи меѓу Бехтел Енка и ИРД, преговори кои ќе траат 21 ден.
Реализацијата на оваа капитална инвестиција ќе придонесе за модернизација на патната инфраструктура што во иднина ќе овозможи дополнителен развој на услугите, подобри услови за развој на бизнисот, но и безбедни услови за движење на луѓето.
