Груби: Започнаа преговорите со Бахтел Енка и ИРД за коридор 8 и 10Д, ќе траат 21 ден
Одржан состанок со претставници на копанијата Бахтел Енка, како и компанијата ИРД. Како што објавуваат од кабинетот на потпретседателот на Владата и министер за политички систем и односи меѓу заедниците, Артан Груби, започнаа состаноците со компанијата која ќе ги гради коридор 8 и 10Д, и истакнуваат дека со нивната изградба ќе се придонесе кон модернизација на патиштата во земајва.
– Реализацијата на оваа капитална инвестиција ќе придонесе за модернизација на патната инфраструктура што во иднина ќе овозможи дополнителен развој на услугите, подобри услови за развој на бизнисот, но и безбедни услови за движење на луѓето – пишува во соопштението од кабинетот.
На средбата покрај Груби присуствувале и министерот за финансии Фатмир Бесими, министерот за транспорт и врски Благој Бочварски како и директорот на Претпријатието за државни патишта Ејуп Рустеми. Тие се сретнале со претставници на меѓународниот конзорциум Бехтел Енка како и на компанијата што ќе го надгледува процесот на изградба ИРД.
– Денешниот состанок доаѓа по состанокот на Комисијата за преговори за изградба на Коридорот 8 и 10 Д и Одлуката на Владата со која ја задолжи Комисијата за преговори за реализација на проектот за изградба на Коридорот 8 и 10 Д, кој е и правен консултант на Владата за договарање на договорот. Владата минатата недела го одобри заклучокот предложен од Комитетот за преговори дека се исполнети сите предуслови за почеток на преговорите и формирање на работни групи меѓу Бехтел Енка и ИРД, преговори кои ќе траат 21 ден – се истакнува во соопштението.
