Груби до опозиција: Единствена партија која е осудена за криминал е ВМРО-ДПМНЕ, се крстите на Груевски и Мијалков!
Првиот вицепремиер Артан Груби во Собранието ги демантираше обвинувањата на ВМРО-ДПМНЕ кон членовите на неговото семејство, и порача дека единствена партија која е осудена за криминал е ВМРО-ДПМНЕ.
Според него, ВМРО-ДПМНЕ знае што е корупција и сакаат само поради тоа да дојдат на власт.
Како што додаде Груби кон пратениците на ВМРО-ДПМНЕ, тие со воодушевување гледаат во, како што рече, нивните идоли – Никола Груевски и Сашо Мијалков.
„ВМРО ДПМНЕ е мајка, татко, дедо и баба на корупцијата. Лоповлук од прв до последен. Затоа знаат каде е медот да ги вметнат рачињата и бараат да дојдат на власт. Медот им е останат во мерак. Вие се крстите на Никола Груевски и Сашо Мијалков“, рече Груби.
