Грозданов: Самопрогласените активисти шират невистини – се борат за хонорари, а не за интересите на граѓаните
Бакарот во Македонија го има во сериозни количини и државата од него може да има големи финансиски придобивки, оценува металуршкиот инженер и аналитичар Виктор Грозданов, во колумната насловена „Науката наспроти еко-лагите: Време е за сериозен пристап кон рударството“. Во неа тој се осврна на тезите пласирани во јавноста од страна на дел од лицата кои тој ги нарекува лажни еко-активисти, а кои се противат на отворањето на рудници, меѓу кои и за оној за бакар во Иловица.
-Кога велам дека Бакарот-Cu, инаку Кипар се вика токму поради бакарната жица, е прогласен за критичен метал и ние како држава го имаме во сериозни количини. Овие количини на Македонија можат да и донесат многу финансиски придобивки, пред се во образовниот систем, но и во иднината на оние кои ќе се образоваат пред се во геологијата, рударството, металургијата, медицината и она најважното во земјоделието. Рударството уште од „Бронзеното време“ знае дека мора да го развива земјоделието за да може да ги храни своите граѓани, пишува Грозданов.
Според него, во јавноста се споделуваат невистини и го искоментира гостувањето на активистот и општински советник Костадин Ристоманов во радиска емисија.
-Вели вака: Рудникот Иловица-Штука ќе плаќа само четири проценти (4%) надоместок кон држвата и тоа не надминува повеќе од неколку десетици милиони евра во наредните дваесет (20) години, а во исто време од земјоделието заработуваме сто (100) милиони евра добивка. Прво г-динот живее во Струмица и тој нема никаква допирна точка со рудникот. Рудникот се наоѓа на територија на Општините Босилово и Ново Село. Надоместокот од четири (4%) проценти е за овие општини и тие годишно ќе делат 11 милиони евра согласно цената на бакарниот концентрат со тенеденција на зголемување на надоместокот во иднина на посериозна сума согласно предвидувањата на стратегијата на Европската Унија која го прогласи бакарот за критичен метал, пишува Грозданов.
Тој додава дека не се кажува ниту сметководствената вистина, односно останатите финансиски придобивки кои доаѓаат од персоналниот данок, данокот на добивка, платите и социјалното, здравственото и пензиското осигурување кои, како што додава Грозданов, ќе ја стабилизираат загубата во пензискиот фонд, а во исто време ќе ја зголемат просечната плата.
-Овој рудник ќе го намали дефицитот за четиринаесет (14%) проценти. Моментално четиристотини (400) милиони евра. Четврто, во мојот домен влезе. Ќе течела киселина во наредните петстотини (500) години од рудникот низ стручката котлина. Да му објаснувам дека постои литература Теорија на Металуршки процеси и дека постои глава Јаловишта и Троски и нивните хемиски својства, нивна електро спроводливост, густина и моларен волумен, вискозитет итн. И тоа што тој го тврди, едноставно е невистина, научно потврдено, заклучува Грозданов.
Металуршкиот инженер Грозданов смета дека лицата кои се претставуваат за активисти, а споделувааат невистинити тези единствено се водат од интересот за хонорари, а не и за интересите на граѓаните на струмичкиот регион и на Македонија.
