Грција воведува задолжително осигурување за се, по штетите што ги предизвика „Даниел“
По огромните штети што ги поредизвика невремето „Даниел“, како и бројните пожари, осигурителниот пазар ги подготвува своите предлози до грчката влада за задолжително осигурување на сите имоти од елементарни непогоди.
Врз основа на неодамнешните најави на Владата, во првата фаза (од 2024 година) обврската ќе важи за средните и големите компании со годишен обрт поголем од 2 милиони евра. Осигурувањето треба да покрие поплава, земјотрес и пожар и да ги покрие зградите, машините, опремата и залихите.
Од 01.01.2024 година овие компании нема да бидат обесштетени од државната помош. Се проценува дека во оваа категорија спаѓаат околу 16.000 фирми – со покривање на 87 отсто од вкупниот промет.
Сепак, како што неодамна напомена премиерот Кирјакос Мицотакис, време е да започне јавната расправа за задолжително осигурување на сите имоти од природни непогоди, бидејќи тоа е единствениот начин да се вратат штетите што е невозможно да ги покрие и државата и – во повеќето случаи – семејниот буџет.
Индикативно е дека, според проценката на Атинската стопанска комора, трошоците за „Даниел“, за да се поддржат настраданите и да се врати санира големата штета, изнесува приближно 5 до 8 милијарди евра.
Затоа, осигурителниот пазар и владата се согласуваат дека е дојдено време за дефинитивна регулатива за задолжително осигурување на имот. Како што коментира осигурителниот пазар, осигурувањето на домот е регулатива на која треба да падне фокусот, како и за повеќето бизниси, кои ќе треба да воведат задолжителното осигурување на опремата, инфраструктурата. а исто така и нивните работници.
Според податоците, во Грција околу 1 милион куќи од 6,5 милиони се осигурени, односно процентот е 15 проценти (најмногу се во градовите, на село бројките се помали додека генерално најмногу се однесуваат на оние што купиле куќа со хипотекарен заем). Кај бизнисите процентот изнесува 40 отсто. Со други зборови, 200.000 од 500.000 бизниси се осигурени.
Состаноците во наредните недели се веќе на дневен ред на релевантните министерства и Асоцијацијата на осигурителни компании на Грција со цел да се формулира сеопфатен предлог насочен кон зајакнување на осигурителната свест кај граѓаните.
