Градоначалничката на Париз пливаше во Сена и пред Параолимписките игри!
На видеото објавено на Инстаграм, таа може да се види како се капе под сончевото небо во центарот на главниот град, во придружба на десетици луѓе во водата – сите насмеани.
„Од следната година, пливањето во Сена ќе стане задолжително во летната сезона во Париз“, наведе таа видеото, повторувајќи го своето ветување дека ќе ја направи реката пливачка за сите во летото 2025 година.
Деконтаминацијата на Сена беше еден од столбовите на кандидатурата на Париз за Олимписките игри и дел од „олимпиското наследство“ кое организаторите го пофалија. Идалго за прв пат се капеше во Сена на 17 јули, девет дена пред почетокот на Олимписките игри, одржувајќи го своето ветување пред новинарите од целиот свет, повеќе од сто години откако пливањето во реката беше забрането поради загадувањето. Државните и локалните власти инвестираа 1,4 милијарди евра од 2016 година за да овозможат пливање во Сена и Марна, нејзината главна притока.
Машкиот олимписки триатлон, сепак, беше одложен за еден ден поради „здравствени причини“, бидејќи водата во Сена сè уште беше премногу загадена, особено по силниот дожд. По тргата десетина од учесниците се пожалија на стомачни болки и на повраќање, но организаторот во ниту еден момент не прифати дека тоа е поради (не)квалитетот на водата.
