ГРАДЕЖНИЦИТЕ БАРААТ 51 ОТСТО ОД РАБОТАТА ДА ЈА ДОБИЈАТ ДОМАШНИ КОМПАНИИ, во спротивно ќе излезат на улица

Бројот на градежници изминативе пет години паднал под 50 илјади вработени, додека за една година се намалува за 12.622 работници. Ова го истакнаа Иван Пешевски, претседател на Синдикатот за градежништво, индустрија и проектирање (СГИП) и Андреа Серафимовски, претседател на здружението за градежништво при Стопанска комора на Македонија. 

Тие потенцираат дека со лошите владини одлуки, повторно приоритет им се даваат на странски градежни компании наместо на домашните, што резултира со пропаѓање на домашните градежни компании. 

– Она што е запрепастувачки за нас, е дека најголемите инфраструктурни објекти, кои треба да се градат согласно овие проекти, повторно ќе ги градат странски компании кои немаат никакво портфолио, или кои не знаеме како граделе во нашата држава – потенцираше Пешевски. 

Првиот човек на СГИП укажа дека иако се најавуваат градежни офанзиви во државата, број на градежни работници во земајва се намалува. 

– Имено во изминатите пет години, за прв пат бројот на градежници паѓа под 50
илјади вработени, однсоно за само една година бројот се намалува за 12.622
работници. Ова кажува дека голем дел од домашните работици останале без работа,
и своето чаре си го бараат во високо развиените земји да градат туѓи екномии
наместо домашната.

Од страна на работодавачите добивме инфомации дека голем дел од компаниите се
соочуваат со потешкотии во работењето, бидејќи Владата голем дел од колачот
сака да даде на странски компании, а не да вложи во домашните компании.

Тоа произлегува од фактот што пред два дена во Владата се склучи еден би
рекол безобразен договор, каде што 1,3 милијарди на неправен проект, на
ненаправена експропријација, се даваат на странска компанија „Бехтел и Енка“,
компанија која пред една година падна на Уставен суд падна поради тоа што
сакаше вработените да работат 60 часа неделно – истакнува Пешевски.

Тој посочи дека со оваа одлука Владата е подготвена да дава средства и да ги прекршува
законите кои ги носи, да не ги почитува меѓународните договори кои ги носи
меѓународната организација на трудот. Тој потенцира иако има одредби кои посочуваат дека при
работа на странски компании, 50 отсто од работата треба да биде на домашни
компании, а тоа ги вклучува и вработените, и проектирање, и изведба… не  очекува дека работата ќе ја добијат домашни компании. 

– За жал, сликата која ја направивме како синдикат покажува дека скоро
2 милијарди евра ќе се одлеат на странски компании и на странски работници,
наспроти 80 милиони евра за домашните компании и домашни работници.

Процентите се застрашувачки, бидејќи 96 посто од парите кои ги плаќаме сите
како граѓани ќе се одлеат во странски инвеститори и странски работници, наместо
кај домашните компании кои се пред ставање клуч на врата и да ги остават на
улица и тие безмалку работници кои останаа во државата.

Она што е запрепастувачки исто така за нас, е дека најголемите
инфраструктурни објекти, кои треба да се градат согласно овие проекти, повторно
ќе ги градат странски компании кои немаат никакво портфолио, или кои не знаеме
како граделе во нашата држава – вели Пешевски.

Тој воедно укажа дека поради
лошата администрација и менаџирање останавме се уште сме без автопат Кичево Охрид, а го
натплативме и екстремно задолжени. 

– Сега
се прави нов договор во Влада, во четири очи, каде што овие четири
делници ќе чинат и преку две милијарди евра, а повторно нашите компании кои
имаа референци да градат во странство, а сега искача дека не се доволно
потенцијални да градат во сопствената држава.

Ова е апел и крајно предупредување до сите инстанци во државата да стават
малку кочница, да ги преиспитаат сите договори, да дадат дел од работата на
домашните компании, бидејќи ако продолжат вака, не само што ќе останеме без
сектор градежништво, туку ќе останеме без целата држава имајќи предвид дека 7 отсто од вкупниот број се во сектрот градежништво. Најголем двигател на БДП во економијата
е сектор градежништво. Доколку сметаат дека треба да ги остават на улица и овие
работници нека продолжат, но да сметат и на притисокот кој ќе го направиме
согласно нашите документи, а ќе го искористиме и правото на штрајк. Бараме итно да се седне во влада и да се договориме кој ќе го добие поголемиот дел
од колачот.

Спремни сме да искочиме не само со работници, туку и со цела механизација на
улиците – посочи Пешевски, и дополни дека доколку нема системско решение, ќе имаат  многу
проблеми со нив.

Дополни дека бараат почитување на законите и меѓународните одредби, и со тоа домашните компании да добијат 51 отсто од сите градежни процеси, од проектирање преку изведба до самиот крај да биде од домашни компании.

П.О.

Фото: Принтскрин/Фејсбук