ГРАЃАНИТЕ ДА НЕ СЕ ПРИБЛИЖУВААТ: Целата зграда на Железничката станица во Нови Сад може да се урне?
По падот на настрешницата на зградата на железничката станица во Нови Сад, некои експерти предупредуваат дека целата зграда сега е небезбедна и опасна по живот. Како што јавноста беше неодамна информирана, оваа зграда нема дозвола за употреба и сè уште не се знае во што точно се интервенирало за време на рехабилитацијата, бидејќи градежната документација, и покрај сè што се случи, сè уште е под клуч, објавија српските медиуми.
Иако властите упорно тврдат дека настрешницата на железничката станица не била реконструирана, од бројни фотографии е јасно дека структурата била променета и дека не го имала својот оригинален изглед непосредно пред уривањето.
„По падот на настрешницата, стабилноста на зградата е загрозена. Таа остана без тежина потребна за одржување на целиот покрив на толку голем распон. Неопходно е јавноста да знае што точно е направено врз зградата. Суштината на работата е во приватни градежни проекти. Треба да видиме дали постојат проекти во кои има цртежи, бидејќи текстот не кажува сè“, објаснува Ана Ферик Иванович, претседател на Здружението на архитекти на Нови Сад, за Nova.rs.
Вели дека зградата сега не може да биде безбедна.
Foto:Nenad Mihajlović/Nova.rs
