Гостивар потврди дека го откачил Дериоглу, нов тренер е – Мурат Дабан
Дерелиоглу беше тренер на Гостивар во минатата сезона и од почетокот на актуелната, а успеа во ланската сезона да обезбеди опстанок во второлигашката конкуренција, додека сезонава нема пораз на зелениот терен, но Гостивар е трет со четири бода заостаток зад Воска, а еден зад Вардар, најмногу и поради киксот со „случајот Гордијан Христовски“ поради кој загубија три бода на зелена маса во оваа сезона.
„Неговиот придонес во фудбалскиот клуб Гостивар нема да се заборави ниту во клубот ниту во градот и ќе се запамети со почит. Му посакуваме понатамошни успеси во неговата кариера“, објави Гостивар.
Гостиварци утре го играат мечот од 25-то коло против Кожув и Дабан го презема кормилото за да го обезбеди прволигашкиот статус на амбициозниот второлигаш.
„На мечот од 25-то коло кое ќе се одигра утре против на Кожув тимот ќе го предводи г-дин Мурат Дабан. Нашите амбиции и цели ќе ги продолжиме со г-дин Мурат Дабан. Им посакуваме успех и на нашиот тренер и нашиот тим“, дополнија гостиварци.
