Гостивар и во време на тага продолжува со преписки и обвинувања!
Неколку часа по тој меч, гостиварци се жалеа на судењето и на однесувањето на кавадаречкиот градоначалник, а во понеделникот изразија сомнеж за можна саботажа затоа што неколку фудбалери и членови на стручниот штаб покажале знаци на труење од објектот каде била екипата во карантин пред дуелот. По одговорот од Тиквеш, клубот од Гостивар продолжи со преписката и покрај тоа што во тек е седумневна жалост поради трагедијата во Кочани.
„Изјавата на Тиквеш ја сметаме за доста интересна. Како прво, ние очекувавме од нив да слушнеме порака ‘нека ви е со помин и посакуваме брзо оздравување’. Поради ова ние не обвинуваме никого по ова прашање, не знаеме кој стои зад овој инцидент. Разгледуваме секакви можности и веќе ги поднесовме потребните барања за истражување.
Второ, многу е интересно што точно го знаат местото и градот на хотелот каде што ние бевме сместени! Да, ако тоа е толку важно, можеме да направиме корекција. Ние бевме сместени во хотелот што се наоѓа на 10-15 км од Кавадарци. Не ни е јасно која е разликата дали хотелот е во Кавадарци или Неготино. Зашто не е во прашање локацијата на хотелот, туку тоа што бевме отруени во хотелот. Болницата каде што ги направивме анализите, заедно со нашите адвокати, веќе поднесе жалба против хотелот. Фудбалската федерација на Македонија (ФФМ) исто така е информирана за случајот.
Трето, по кој основ од клубот Тиквеш велат дека немало поплаки пред натпреварот? Нашиот доктор беше запознаен со ситуацијата, а нашиот помошен тренер исто така се жалеше на здравствени проблеми. Можноста за саботажа се појави откако ги добивме резултатите од болничките анализи.
Четврто, ве молиме да не зборувате за месецот Рамазан и за нашите фудбалери кои постат. Покажeте почит. На која основа и врз кого клубот Тиквеш ги дава овие информации? Ако зборуваме врз основа на шпекулации, и ние би можеле да кажеме многу работи. Но, ние во моментов зборуваме врз основа на болнички извештаи“, пишува во новата реакција на Гостивар.
Тиквеш славеше на спорниот натпревар со 2-1, а гостиварци по поразот заостанаа шест бода во однос на лидерот Шкендија.
