ГОРИ ВО СРБИЈА: Aктивни се околу 200 пожари
Во Србија моментално се активни околу 200 пожари.
Министерот за внатрешни работи на Србија Ивица Дачиќ, денеска за време на обиколката на Стара Планина, изјави дека во претходните 24 часа во Србија се изгаснати 159 пожари.
Како што соопшти Министерството за внатрешни работи, Дачиќ рекол дека моментално во Србија се активни околу 200 пожари.
„Се наоѓаме на Стара Планина, поточно на Видлич, селата Басара и Крупац, каде што моментално е жариштето на голем пожар кој зафати повеќе од 2,500 хектари. Сите наши единици дојдоа овде за да помогнат, заедно со припадниците на другите специјализирани државни органи, Србијашума, и специјализираната единица за цивилна заштита“, изјави Дачиќ.
Тој додаде дека се претпоставува дека причината за пожарот бил гром, кој потоа брзо се проширил.
Во повеќе држави во регионот летово имаше големи пожари. Србија помогна за гаснење на пожарите во Македонија.
foto MUP Srbije
