„ГОРЕШЕ КАКО ВО ПЕКОЛОТ“: Шокантна исповед на патниците кои го преживеаја пожарот во авионот во Јапонија

Патниците веќе се обидувале да се помират со она што штотуку го преживеале, им кажувале на пријателите и саканите дека се добро и се подготвувале за она што следува.

Пет членови на екипажот на крајбрежната стража загинаа во судир на патнички авион на „Јапонија ерлајнс“ и авион на крајбрежната стража, по што авионот се запали на пистата на аеродромот Ханеда во Токио.

Како што може да се види на видеата кои беа споделени на социјалните мрежи, откако авионот налетал на пистата, додека зад него се држел огромен пламен, 379 патници успеале да се евакуираат за само 90 секунди. Од друга страна, луѓето панично бегале од пожарот, додека експертите процениле дека токму брзата евакуација и новата, подобрена технологија одиграла важна улога во нивниот опстанок.

Сепак, и покрај среќата што ги следеше патниците, прво дојде шокот, па жештината и чадот, по што конечно се активираше инстинктот за преживување. Иако сите патници во патничкиот авион беа евакуирани, оние во другиот авион, помал авион на крајбрежната стража, кој требаше да достави помош за жртвите од земјотресот, немаа толку среќа. Петмина загинаа, а пилотот е тешко повреден.

Во тек е истрага

Инспекторите склопуваат што се случило во 17:47 часот по локално време на аеродромот Ханеда и зошто два авиони можеле да бидат на пистата во исто време. Засега, видеата и изјавите на патниците даваат слика на неколкуминутен ужас, проследен со неверување во она што го издржале.

-Целата кабина се наполни со чад за неколку минути. Чадот во кабината гореше како пекол. Се фрливме на подот. Потоа се отвори вратата за итни случаи и ние се упативме кон неа. Немавме поим каде одиме, па истрчавме надвор. Беше хаос – изјавил Швеѓанецот Антон Деибе (17), кој бил патник во запалениот авион.

Тој, неговите родители и неговата сестра успеале неповредени да избегаат од урнатините.

„Видов искра под прозорецот“