Големо невреме во Нов Зеланд – има жртви, откажани летови…
Незапамтените дождови и поројните поплави однесоа три животи, а едно лице исчезна во Окленд, објави премиерот на Нов Зеланд, Крис Хипкинс. Во одредени зони е причинета голема материјална штета.
Полицијата соопшти дека две тела се пронајдени во предградие на Окленд. Третата жртва настрада во одрон во близина на центарот на градот. Четвртото лице кое водата го однела се уште се води како исчезнато.
Откажани концерти, затворен аеродромот…
Локалниот аеродром, најголемиот во земјата, е делумно отворен откако беше целосно затворен. Внатрешниот сообраќај е обновен, а меѓународните летови треба да продолжат утре.
Поради безбедносни причини откажани се концертите на британската пејачка ѕвезда Елтон Џон, кои беа закажани на стадионот во Окленд. Водата во голема мера се повлече бидејќи улиците беа претворени во река, но се очекуваат нови врнежи, а премиерот Хипкинс ги повика жителите да останат во своите домови.
Невремето е првиот голем предизвик за владата на новиот премиер кој ја наследи Џасинда Ардерн откако таа ненадејно поднесе оставка поради исцрпеност и му беше предадена во средината на неделата.
