ГОЛЕМИТЕ ПРОИЗВОДИТЕЛИ НА АЛКОХОЛ СМИСЛУВААТ АЛТЕРНАТИВИ: Построги правила за царините на Трамп
Главниот производител на алкохолни пијалоци Дијагео и предложи на американската влада да размисли за воведување построги правила за потекло во трговските договори како алтернатива на тарифите.
Потпретседателот на компанијата, Алден Шахер, во писмото вели дека таквите правила би можеле да им дадат приоритет на стоките, вклучително и алкохолните пијалоци, во кои сите состојки се набавени од САД или преку нејзините клучни трговски партнери, објави Ројтерс.
Според писмото, ова ќе ги зајакне американските синџири на снабдување, ќе ги спречи странските ривали да ги користат американските трговски партнери за да ги заобиколат царините и ќе ги поддржат целите на администрацијата на Трамп за раст на американската економија.
Предложените правила за потекло ќе бараат растенијата или житарките што се користат за производство на увезен алкохол да потекнуваат од Соединетите Држави или од територијата на стратешки трговски партнер – која било земја што има трговски договор со САД, како што се Мексико и Канада.
Компанијата, исто така, предложи правилата да гарантираат дека дестилацијата се одвива во САД или на територијата на гореспоменатите стратешки партнери, а истото важи и за сите буриња што се користат за стареење на алкохолни пијалоци.
Diageo продава текила и канадско виски во вредност од милијарди долари во САД.
